మోక్ష కాంక్ష

కాంక్షతో, స్వామీ! నీ కరుణాకటాక్షములకు 


అక్షరముల మాల అల్లితి నీదు, వీక్షించి, లక్షణముల


పరీక్షించి, నన్ను అక్షయముగ పరిరక్షించి


మోక్షమొసంగెదవని మది నమ్మితి లక్ష్మీరమణా


మిత్రుడొకడు  'క్ష' తో పద్యము రాయమంటే చిన్న ప్రయత్నం.  పెద్దలు

తప్పులను సవరించగలరు.   

కృష్ణుడి బాల్య క్రీడా ?

కొంగును పట్టి ఆడించిన ఆ బాలుడు క్రీడకు 


ఆగుపడి అగుపడనట్టుల ఆటలు ఆడె 


నిజముగా ఆ నల్లనివాడు లోకమునే చూడకున్న 


గోకులమేమి సకల భూతలమే చీకటి కాదా

నా పాప మొదటి స్కూల్ రోజు

నా కూతురు మొదటి రోజు స్కూల్ వెళ్ళినప్పుడు నా మదిలో వెలసిన

భావాలు 


చిన్ని చిన్ని చిన్నారులు బుజ్జి బుజ్జి పాపాయిలు


వెళ్ళిరి పాఠశాలకు పెద్దలు జీవిత పోరాటశాలకు


తనువెక్కడ వున్నను మనసేమో అక్కడే


ఒడిలోని పాప బడిలొన చేప 


నీ(నో)రు లెదని అయ్యో మది నీరసించె

కుచేల సఖుడా శ్రీకృష్ణుడు

యదువంశజుండు,రుక్మిణీవల్లభుండు, ద్వారకావిభుండు, మిత్రుండు


తనను కనునో, వినునో, వెతల్ కనుగొనునో, కష్టముల్ బ్రావునో అనియెంచి


చెదరిన బ్రతుకుల చిరిగిన దుస్తుల తొలచిన తలపుల నిచ్చిన అటుకుల 


కొచ్చిన భోగభాగ్యముల తలచి మదిప్రార్థించిన కుచేలసఖుడే దిక్కు నాకీ ఇలన్

కారణము ఏమి రామచంద్రా

కావలయునా నీకు వానరసాయము సీతమ్మజాడ వెతుకునపుడు


కావలయునా నీకు ఉడుత సాయము వారధి నిర్మించునపుడు


కావలయునా నీకు విభీషణు సాయము దశకంఠు దునుమాడునపుదు


కావలయునన్న కారణము కావవలయునన్న కాంక్షకాక వేరేదీ కాదే

చిన్ని కృష్ణుడు

అల్లన ఎత్తున పెట్టిన ఉట్టిని కొట్టి 


చాటుగ దాచిన నున్నని వెన్నెను పట్టి 


పరుండిన గోపిక మూతికి పెట్టి 


చిలిపిగ నవ్వెను యశోద ముద్దుల పట్టి

తల్లీ నా చిన్ని కోరిక

అలతి అలతి పదముల పద్యములల్లి


కొలుతు కొలుతు నిన్ను మనమునందు


తొలచి తొలచి అందు భావమెంచి


కదులు కదులు నీవు నా పదములందు

ఇంకోటి మరి

మనమును తొలచి వాడిన పదముల వేడిమి తగ్గి


నే వేసిన శరములకటా అశరీరములయ్యె


తప్పదు ఇక ఖేదము చెందక మది మధించి నే


సం(స్పం)ధించకున్న రణమున నిలువలేము నిక్కము కదా

ఇంకో పద్యం

ఆ దెవి నా చేత నాటించు ఈ పదవిత్తనములు యెదిగి పద్యమే 


కలువ చంపకముల్ పూయునో కంద మకరందమే వచ్చునో


మత్తకోకిల పాడునో ఆటవెలదులె ఆడునో లేక సీసంబు చూచునో 


గజకేసరుల్ చరింతురో అంతయు ఇక నీ కరుణా కటాక్షమే తల్లీ

ఒక చిన్ని కవిత

సరి సరి యనుమాట కొసరి కొసరి వడ్డించ


గడసరి వైరియైన సరియే అనడే


జీవితము సరిగమలగు ఇది మగసిరి 


గల మాట అనుట సరియా కాదా

తపము చేయలేదు నా తనువు శోషింపలేదు

తెలవారి నే లేచి సంధ్య వార్చలేదు మడి ఉండలేదు


తరచి తరచి నే పుణ్యతీర్థముల్ దర్శించలేదు


తెలిసి నీ నామమే తలచితి త్రాణయొసగు శ్రీరామచంద్రా

తలతునునే గిరి జామాతను గిరిజా మాతను

తలతును గొవర్ధన గిరిధారిని తన దేవేరిని


తలతును సత్యలొక నివాసిని సరస్వతిని


తలతునునే వారిని ఎల్లవేళల తదాత్మ్యమునన్



నేను వీలైనంత వరకు పద్యాలను తెలుగులోనే మరియు దేవునిపైనే రాయ 

ప్రయత్నిస్తాను 

నాకు ఇవి ఏవి చందోబద్దముగా ఉండవు నాకు ఆ కళ ఇంకా రాదు అని 

తెలిసినా నాకు నచ్చిన వచ్చిన చిన్న చిన్న పదాలతో భావాన్ని అల్ల 

ప్రయత్నిస్తాను 

తప్పులుంటే నేర్పించండి దిద్దండి 

ఎందుకంటే ఇందులో నేను కేవలం బాలుడినని తెలుసు నాneurosurgery 

లో  అందునా గవర్నమెంట్ ఆసుపత్రి  పనిలో దొరికే ఫ్రీ టైం చాలా తక్కువనీ 

తెలుసు సహృదయతతో ఒప్పుకొంటారని తప్పులెన్ని తప్పుదోవ 

పట్టకుండా నిరోదిస్తారని ఆశిస్తున్నాను 

నేను రాసుకున్న మొదటి పద్యం

తల కట్టుట  నేర్చితి నే

తల కుట్తుట దీర్ఘ కాలముగ చేయుచుంటి

తల లొన చూచి యుంటి కాని 

తలపులను చూచుట ఇంకను నా తరము కాదె




hahaha

ఇది నా మొదటి ఆలొచన 

I am a neurosurgeon by profession

ఏదో వ్రాయాలంటే ఇదే తట్టింది మరి

తల పండిన పదాలు వ్రాయలంటే తలకాయ పదాలే వస్తున్నాయి ఏమిటొ

నమస్కారములు 

అందరికి నా నమస్కారములు 

నేను వృత్తి రీత్యా డాక్టర్ను 

I Work as asst prof of neurosurgery in Kurnool medical college Kurnool.

వృత్తిలో ఎన్ని ఉన్న మనసులో తెలుగుపై వున్నా ప్రేమతో పద్యాలు /కవితలు వ్రాయాలని ఆరాట పడుతుంటాను 

  

నా రాతలు మిమ్ములను మెప్పిస్తాయనే నా ఆశ