అన్నిటా నీవే

కంటి బడబానలమునందు నిను అటు వైశ్వానరమునందు


కంటి మహొగ్రనదమునందు నిను కొండంచు ఝరులయందు


కంటి ప్రచండపవనములందు నిను మలయమారుతమునందు


కంటి అటునిటుకంటి అందు మది నినుకనుగొంటి కౌస్తుభకంఠి

ప్రహ్లదవరద నరసింహ ఇల యేలు నా హ్రుదయసీమ

ఏ రూపము కూడదని నరహరి రూపమ్ము దాల్చినావు 


ఏ అస్త్రము కూడదని నఖముల ఉదరమ్ము తెగచీల్చినావు


ఏ చొట కూడదని గడపను చేరి ప్రాణమ్ము కడతేర్చినావు


అట్టి ప్రహ్లదవరద నరసింహ ఇల యేలు నా హ్రుదయసీమ

దీనినే తార్కాణమందామా??

భవబంధముల భావన ఎంతవారినైన బంధించునని 


మనసునెంచి మనిషి మెలగవలయు, తర్కము


నెంచ, తపమాచరించిన భరతుడు హరిని మరిచి


హరిణముతో చరియించిన చరితము తార్కాణము కాదా!

నిజంగానే జరిగినదా

దాటగా తగిలిన తలుపును గని 


తావచ్చి తగిలెనని కాలివేలిని చూపించ


లేదని వేసిన మంత్రమునకే తగ్గెనని


ఆటలాడ పరుగిడె తల్లి యశోద మురవగ 


ఇదో చిత్రమైన యోచన ఇలా ఆ బాలకృష్ణుడికి జరిగియుండదా అనే ఒక 

చిన్నఆలోచన తప్పయితే క్షమించండి.     

నా విన్నపం

అహము అంతమొందించి, ఆత్మ శొధన పెంచి, ఇహమునందు


సేవచేయు అవకాశమిచ్చి, తలపులోన నిలిచి, తగు జ్ఞానమిచ్చి,


బరువు బాధ్యతల్ తొలగించి, మోక్షమార్గమున్ తరలించి కావుము 


నను ఆర్తత్రాణ పరాయణా! లక్ష్మీరమణా! శ్రీమన్నారాయణా!

దీనుడ నే కృష్ణా

చనుపాలు తాగిన పుణ్యాన పూతన సద్గతుల నొసంగినావు 


నీవాడిన పుణ్యాన కాళీయు పక్షీంద్రు బారి రక్షించినావు


ద్విజుపిలుపు వినినంత చేరి రుక్మిణి కరము చెపట్టితివీవు


ఏ రీతి నే చెసితినని ఈ దీను మదినెంచి బ్రోతువో కదా కృష్ణా

ప్రయత్నం త్వరలో ప్రారంభం

పెద్దల ఆశీర్వాదముతో త్వరలోనే రామాయణాన్ని నా పద్యమాలికలల్ల ప్రయత్నిస్తున్నాను

మీ అందరి దీవెనలు ఉంటాయనే నమ్మకం 

అన్ని నీవే

పంచాక్షరిలొని ఫలితంబు నీవే


అష్టాక్షరిలొని మూలము నీవే


ద్వాదశాక్షరిలొనున్న దారి నీవే


అంతటను నిను దర్శించు దృష్టినీవే

దేవుని కోరికా ??

కమలభవుడు కోరి నా నొసట వ్రాసిన పిమ్మట


హంసవాహన చేరి నా నోట పలుకు మాట


గరుడగమను చరిత విహరించ మనెనీ చొట


భవబంధముల ననుకావుమని కొలుచు బాట

ఒక చిన్న విన్నపం

దయచేసి ఎవరైనా ఎలావుందో , ఎలా రాస్తున్నానో చెబుతారా 

గజేంద్ర మోక్షమా !!

మానసమనెడి గజము మదమునొంద,


కష్టముల మకరి బిగియార ఒడిసిపట్ట,


పోరాడి ఓడి మది పాహియని ప్రార్థింప,


ననుబ్రోవగ తలచితివో మదినేలుదేవా.

నవ విధ భక్తి మార్గములు

 నవవిధ భక్తి మార్గాలని ఇమిడింప నా ప్రయత్నం




నీదు నామమె శ్రవణానందమై నీ కీర్తనలు యెలుగెత్తి నే పాడ 


సదా నిను ధ్యానించి నీ పాదముల సేవించి నీదు అర్చన చేసి 


భక్తితొ కైమొడ్చి నీదు దాసుడనై జీవించి ఆత్మ నివేదన చేసెద 


భక్తుడిననొ పుత్రుడిననొ మిత్రుడిననొ నెపమునెంచి నను కావుము తండ్రి

కృష్ణా మన్ను తిన్నావా

తిన్నాడని మన్ను అన్న రామన్న కన్నతల్లికి తెలుప 


ఏదన్నా! చిన్నా! నా చిట్టికన్నా!చూపుము నీ నోరును


నా నాన్నా! అన, ముసి ముసి వన్నెల చిన్నెల నగవుల 


మాటున చూపిన మిన్నును కన్న తల్లి జన్మ ధన్యతనొన్దె




పోతనలా కాకపోయినా ఏదో నా ప్రయత్నం 

కన్నయ్యా ఏమయ్యా

పాటలు గాధలు చరితలు పాడుతు 


ఆలించి లాలించి పాలిచ్చి నిదురబుచ్చి 


అలసిసొలసి తల్లి తూలిన మరుక్షణమున 


చిన్నికృష్ణుడు లేచి ఆడసాగె కేరింతలతో